(انقر هنا لتحميل الملف الصوتي إن أردته)
شوفوا يا جماعة الخير، الناس دي مش مابتفهمش بس، هُمَّ مش عايزين أصلاً يفهموا. يعني...حتى لو ينفع تفهّمه، هوّه مش عايز يفهم. فالحل إيه؟ غتّت عليهم.
قولهم: الريّس مُرسي ده...أحسن رئيس في الوطن العربي كله، على مدار التاريخ المعاصر!
حيقولّك: يا سلام، وده بأمارة إيه ده؟ النهضة اللي مش شايفنها؟
قولّه: لأ. إنما أحسن رئيس، على الإطلاق، غتاته كده. هوّه كده، أحسن رئيس.
حيقولّك: يا خروووف!
قولّه: أحلى حاجة...البرسيم! عارف...اللي مش إخوان، بيأيّدنا عشان الزيت والسكر؛ عارف انت بقه، إحنا بننضم للجماعة ليه؟
حيقولّك: ليه؟
قولّه: عشان البرسيم! البرسيم الإخواني ده...لا يُعلى عليه. برسيم بس إيه...عايز بُقّك. عايز...بُقّك!
حيقولّك: أديك اعترفت أهو!
قولّه: المهم انت تكون انبسطت. إن شالله تكون ارتحت كده لمّا سمعت الحقيقة. ارتحت نفسياً كده؟
يمكن...على دِه، ما يعرفش يردّ. لإنه وقتها، يمكن...أخيراً يكتشف، إن مفيش حاجة حتريّحُه.
ولو ردّ...غَتِّتْ عليه!
—ياسين رُكَّه
ليست هناك تعليقات:
إرسال تعليق