الجبروت في الكذب: دليل إدانتي أستخدمه لإدانتك!

تخيل لما يوصل بيهم الحال إلى إنهم يتسغفلوا الشعب لدرجة إنهم يعرضوا أدلة التزوير لصالح ’لا‘ على إنها دلائل إدانة ضد الإخوان! تخيل الجبروت! :)

وعشان تفهم اللي حاصل، شوف المثالين دُول لصور ومواد تليفزيونية بتورّي المشاهد استمارات مكتوب عليها ’لا‘ بالفعل، على إنها دلائل تزوير استفتاء وإدانة الإخوان:

فيديو لميس الحديدي
http://www.youtube.com/watch?v=viwh564D8-I

صورة على صفحة [معارضي حكم الإخوان والسلفية لمصر]
https://www.facebook.com/photo.php?fbid=314697651964160

طب إزاي وفين المنطق في كده؟ إزاي تزوير وهيّه متعلّم عليها ب’لا‘؟ همّا قصدهم إن الاستمارات دي تم التخلص منها عشان الإخوان يقللوا أصوات ’لا‘. وللوهلة الأولى، المنطق ممكن يكون مقنع.

إلا إن اللي فاهم كويس في الانتخابات والاستفتاءات وتزويرها، حيعرف إن ده مش دليل إدانة ضد الإخوان، بل بالعكس، كُون إن الاستمارات دي عليها ’لا‘ بالفعل، فده يدل على إنها دلائل تزوير أصوات ’لا‘! أيوالله! يعني بمعنى أصح الناس دي أثبتت لينا إن حصل تزوير من أجل أصوات ’لا‘! تخيل؟!!!!!!!!!!

يعني الحيتان والأخطبوطات الإعلامية وكُووووووووووول الحرب المستميتة  دي، وكمان تزوير أو محاولات تزوير لزيادة أصوات ’لا‘، وبرضو خسروا الجولة الأولى! فيه بلاوي وعلامات هزيمة مخزية أكتر من كده؟

حتقولي طب إزاي ده دليل تزوير أصوات ’لا‘؟ حأقولك الاستمارات دي اسمها ’ورقة دوّارة‘ أو أسلوب الساقية الدوّارة. وبالإنجليزي:
Carousel voting

عشان تفهم الموضوع بيتم إزاي، اتفرج على الفيديو الآتي ولو تجيد الإنجليزية، اقرأ مقالة ويكيبديا عن أسلوب التزوير ده.

شايفينكم | إزاي تزور الإنتخابات
http://www.youtube.com/watch?v=TnSEZTYTNcc

Carousel voting
http://en.wikipedia.org/wiki/Carousel_voting

—ياسين رُكَّه