السبت، فبراير 5

قالّك فتنة: ساء الخير يا فتنة!

حكومة خفيفة الظل وبتحب تعمل مقالب في الشعب، زي بالظبط أطفال الحضانة لما بيعملوا مقالب في بعض: جابولنا شوية بلطجية مرتزقة، ردّ سجون، قطاع طرق، عربجية، مع كام قائد من البوليس السرّي، شيّولوهم يُفَط مكتوبة بنفس الإيد الآثمة، ووفرولهم طوب وقنابل مولوتوف، وقالولهم هاجموا المتظاهرين دول عشان دول مش مصريين، ولكن إسرائيليين بيتكلموا عامّية مصرية...وبعدين راحوا مصورين المنظر وقالوا للشعب: إيه ده! الحقوا، بصوا! فتنة في الشعب المصري. قولوا للمتظاهرين بقه يرجعوا لاحسن كده كِخْ.

والناس بتصدّق. اللي بيصدّقوا دول بقه...هما السبب في الفُرْقة الفكرية دي، واللي أصلاً مش فتنة، لإن الفتنة تستلزم المعاداة بالقوة وفي أوجها إراقة دماء، وهو ما لا يفعله السُذّج اللي صدقوا الحكومة.

ليست هناك تعليقات: