تعليقي على مقالة:
لماذا حفظنا كلمات أم كلثوم ورقصات روبي؟!
في شايت بشر هنا، شارقانين موت. حالتهم كرب حقيقي. أنا قاعد أقرأ التعليقات وأضحك:
انا بحبك موووووووووووووت يا روبي بحبك انتي واليسا ونانسي عجرم و مروى واصالة نصري وشرين احمد شرين وجدي عمروذياب اكتر وحده انتي يااااااااااا روبي
احب نانسي واليسا و روبي واحب اصالة موت وعمرو ذياب واكره مروة ايناس من العراق
انا بحب روبي جدا جدا جدا وهى هدفي في الدنيا دي نفسي انة تزور اسوان يحصلنا الشرف نفسي تعطيني رسالة واميلى هو gamel_henry@yahoo.com
روووووووبي انتي حلوة وفيديو كليباتك كلا حلووووووو خصوصا ((انا كل ماقولة اه))من بنت دبي
والله انك يا نانسي احلى من الكل ( من كل الناس ) بس نفسي اتجوزك ااااااااااااه ما احلى هاليوم اللي اتجوزك في
المقالة كويسة، لكن أتفق مع واحد من اللي علقوا في البداية خالص، وقال إن أم كلثوم كانت البداية وروبي مش آخر الطريق. حقيقي الكلمتين اللي قالهم حكم، والأمثلة اللي جابها عن كل المغنيين القدام فعلاً بتأكد اللي أنا متفق عليه، وهو إن الغناء من زمان وهوه قليل الأدب والحياء واللي بيغنوا من زمان معندهمش دم، إلا قلة قليلة جداً جداً. الكلمتين الجامدين اللي قالهم الأخ همه:
إلى كل هؤلاء الذين يترحمون على زمن الفن الجميل: إن ام كلثوم هى أول الطريق وروبى لن تكون آخره. الست ثومة التى تقول بين إيديك الآهات، بل تقول فى أغنية إطفىء لظى القلب بشهد الرضاب—أى لعاب القبلة. وعبد الوهاب فيك عَشْرة كوتشينة. وعبدالعزيز محمود يا شبشب الهنا. وخالد الذكر، سيد درويش، شِفِّتى بتاكلنى.
وغير كده تقريبا كلهم وإن كانت معظم أعمالهم كلامها مقبول إلى حد ما، إلا إنهم برضو كان ليهم كام عمل أو أغنية في غاية قلة الحياء، بل وبعض الأعمال وصلت إلى حد الكفر أو التجديف على الله، زي مثلاً أغنية عبا حليم اللي بيقول فيها كلمة قدر وبعدها كلمة أحمق—أستغفر الله، وأغنية تانية بتشتم الزمن، وفي الحديث القدسي: "لا تسبوا الزمن فأنا الزمن".
ده غير طبعاً إن أكتر من تسعين في الميه من الأغاني بتتكلم عن الآهات والحب والأحضان والأشواق وما شاكله، وبالتالي الأغنية غير موجهة إلى أي شيء غير الغرائز البحتة والمشاعر، مفيش حاجة للعقل خالص. يعني بتصنع أجيال كاملة من البشر اللي ماشيين بقلوبهم ومشاعرهم وبيهفهفوا خالص، ومفيش حكمة ولا عقل ولا تدبير.
لكن أرجع وأقول، مشاكل أمتنا—والعالم كله عامة—مش بس في مغنيين وملحمين وكتاب مفيش لا حكمة ولا تدين ولا ثقافة دينية عندهم، ومش في البعض الآخر اللي معندوش حتى أي أخلاق ولا خشى ولا دين ولا دم ولا حرمة ولا أي نوع من المبادئ والقيم، المشاكل أكبر وأعمق من كده بكتير. منها الاستعمار واللي زرعوا في أراضينا من ثقافات طفيلية ومن أعوان وجواسيس وخونة، لسه عايشين معانا بل وبعضهم بيتحكم فينا سواء ثقافيا أو سياسياً أو خلافه، ومنها تفكك ومشاعر كراهية بين شعوب المسلمين، ومنها جهل وفقر، ومنها سطحية وعادات وتقاليد سيئة لم يصلحها سوى الإسلام، وبمناسبة الإسلام، منها برضو...أو أهمها: قلة الإيمان والجهل بالدين والبعد التام عن جوهره.
ربنا يهدي الأمة دي وترجع لدينها، يا رب.
ليست هناك تعليقات:
إرسال تعليق